كان نفسي طول عمري
في قصة حب أعيشها
أحب إنسانه وتحبني
أحس بيها وتحسني
وأكون ليها ..!
وبمشاعرها تضمني
تشجعني في طريقي وسكتي
وتقوى قلبى وعزيمتي
وتهون عليا متاعبي في دنيتي
لو غبت عنها تطمن على غيابي
يسعدها قربى ويتعبها بعادي
يحزنها حزني
وتفرحها فرحتي
ولو اغضب تتحملني
وتقبل لومي وعتابي
ما أنا كمان ها تحملها
واقبل ملا مها وعتابها
نكون جزء واحد مقسوم أتنين
نكون روح واحدة بس في جسدين
نحلم باليوم اللي يجمعنا في مكان واحد
ونسعى ليه بروح واحدة وقلب واحد
ماهو قلبي وقلبها ها يبقوا واحد
*************
وحلمت والحلم طال
ومشيت في سكة الحلم
أميال ورا أميال
شايل في قلبي أجمل الآمال
بس صحيت ما لقيت من حلمي
إلا الخيال ... !!
وكل ما أمشى في سكة حب
اتعب وما الاقيش اى حب
كل المشاعر بقت كدابة
وكل القلوب بقت خاينة
معادش في حب بجد
ولا أي إحساس وود
من اى حد
كلام المخادعين
بقى أشعار جميلة
تتغنى وتبقى أحلام كبيرة..!!
ولو كانت سراب برضة تبقى جميلة
أما كلام الصادقين
اللي مع نفسهم مخلصين
فبقى منبوذ بلا قيمة
ومرفوض الاستماع ليه
والحب الحقيقي تاه
بين القلوب المخادعة
والقلوب الحيارى
و.........
وآه يا قلبي
هتلاقى حب حقيقي ..؟؟
ولا أحلامك أوهام مالهاش تفسير
ومهما جريت وراها
ها يفضل الطريق كبير
بس برضه نفسي
في قصة حب أعيشها
والحلم لسة مستمر
حتى لو مفيش حب
لسة ها فضل احلم
بقصة حب
موضوع: قصة حب 
الجمعة مارس 05, 2010 2:37 pm
